Carta a Pablo González Mariñas
O compromiso de Pablo González Mariñas co País foi, sempre, nidio e robusto. Así consta en tódalas súas intervencions e actuacións políticas. Ninguén pode discutilo.
Benquerido Pablo: Sentín non poder estar contigo e co resto dás persoas que este venres 8 de xullo che renderon unha homenaxe na Coruña.
Mais elo non me impide amosar públicamente ou meu recoñecemento ao teu traballo e esforzo en reivindicar, de xeito constante, unha Galicia mais próspera e mellor.
O teu compromiso co País foi, sempre, nidio e robusto. Así consta en tódalas túas intervencións e actuacións políticas. Ninguén pode discutilo.
Fuches quen de antepoñer os lexítimos intereses persoais ás necesidades e obrigas que esixía Galicia en cada momento.
Homenaxe plural e de convencemento
Por todo isto resulta obrigado esta homenaxe que che renderon tantas e tantas persoas e amigos, independentemente dá súa adscrición política e ideolóxica.
Tratouse dunha homenaxe plural e de convencemento. Non de outorgamento. Porque ti segues sendo un referente activo no que mirar e ao que acudir constantemente.
Xuntos no Goberno de Galicia
A nivel moi persoal quero agradecer a túa colaboración prestada naquel Goberno de Galicia, onde soupemos interpretar as demandas dos cidadáns e logralas converter en accións políticas plausibles e viables.
Non cabe dúbida algunha de que esa etapa suliñou unha importante senda de progreso e de benestar colectivo, así como a definición dun verdadeiro camiño a prol dunha presenza viva e activa tanto na vida cotián dos galegos como nos espazos europeos e da emigración.
Actuamos en tódolos eidos con nobreza, solidariedade e confianza recíproca, buscando acordos con todos aqueles que querian o progreso; pasos e avances que permititon acadar elevados niveis de eficacia e de confianza no futuro de Galicia.
Non serei eu quen faga un relatorio do que fixemos, deseñamos e bosquexamos. So dicer que para iso está a hemeroteca para a súa comprobación.
Coma ben sabes, resistiriamos calquer exame e avaliación. E, ao final, teriamos moi boa nota.
Lembro aqueles ilusionantes faladoiros no Boston, no Café de París da Coruña e tamén en tantos outros lugares onde comenzabamos a edificar e a fortalecer unha amistade, vixente dende entón. E xa fai anos.
Compromiso co País robusto e renovado
Sei, asemade, que ou teu compromiso co País segue robusto e renovado tódolos días.
Do mesmo xeito, sei que concordaremos na necesidade de artellar innovadores mecanismos de cooperación e de colaboración entre todos aqueles que estamos a demandar a posta en marcha de programas e actuacións que permitan reforzar tanto a imaxe de Galicia como os necesarios cambios e adaptacions aos novos tempos.
Remato, unha forte aperta, e coma dician aqueles galeguistas da época, sempre teu.
Fernando González Laxe, Presidente que foi do Goberno de Galicia (1987/1990).