A demonización do maquinista oculta a falla evidente de seguridade do Alvia
Os traxectos urbáns polos que circula o tren debería extremar as medidas de seguridade e adopción dos máis modernos códigos de evitación de accidentes, sistemas de freado automático e balizas.
Arredor do tren téñense feito moitas historias literarias, plásticas e cinemotográficas que están na nosa memoria pero a partires de agora o tren concitará neste noso país varias ideas como morte, solidariedade, falla de medidas de seguridade, déficit e rede ferroviaria galega.
O accidente de Angrois visibilizou a morte moi de preto, no campo da festa, e algún medio dun xeito irresponsable fixo da sangue e da dór un espectáculo non se sabe seguindo qué regras da información. Tamén poderíamos lembrar no eido informativo que a cobertura dos medios públicos galegos sempre foi por diante do resto, e que a día de hoxe ninguén prantexa a súa desaparición nin siquer a súa privatización.
Foi tamén pública e patente a movilización da xente para botar unha man alí onde estivese, no posto de traballo, nas doacións de sangue en principio vitais e sobre todo a dos veciños que tan preto de horror e da morte axudaron a que non houbese máis sufrimento.
A demonización do maquinista oculta a falla evidente de medidas de seguridade do Alvia Madrid-Ferrol, e a irresponsabilidade que é a transformación do modelo de Velocidade Alta nun tren rápido galego. Non se entende cómo senón dende Madrid fai so catro paradas ata A Gudiña e o dobre ata chegar o Ferrol. Os traxectos urbáns polos que circula este tren debería extremar as medidas de seguridade e adopción dos máis modernos códigos de evitación de accidentes, sistemas de freado automático e balizas automatizadoras. O bon do conductor é a mostra máis do nivel medio de ADIF e se non que llo pregunten a xente de Valga, e calquera que a estas alturas o considere responsable único do accidente sabe a cencia certa que o fai para non botarlle as culpas a quén no seu momento por resolución xudicial as terá.
Teño dito que o AVE a Galicia é unha infraestructura inútil e deficitaria e o accidente ferroviario non fai máis que confirmar as miñas sospeitas, que será un servicio infradotado por falla de demanda, e que o que hoxe se agarda é que como se organize o servicio áereo dende Galicia, tamén se ordene o tren dende aquí.