Meio século do pasamento de Risco, un dos senlheiros pensadores ibéricos do XX
Galiza lembrou ao mestre da Xeración Nós, Vicente Risco, de cuxo paramento cumplriuse meio século. A Fundación do seu nome adicoulle o cabodano baixo o lema Sempre Risco.
Ao longo deste 2013 no solpor Galiza lembrou ao mestre da Xeración Nós, Vicente Risco, de cuxo paramento cumplriuse meio século. A fundación do seu nome adicoulle o cabodano baixo o lema Sempre Risco.
Que o asonante desta coluna sexa vicepresidente primeiro da Fundación Vicente Risco non debe ser impedimento para certificar a vixencia do polígrafo. Precisamente a Fundación con sede en Allariz (Ourense) existe para desenrolar un día atrás de outro o multicultivo intelectual de Risco, quen salientou ata o cume na etnografía, a mitoloxía, a historia, a pedagoxía e a criazón literaria, no relato e, sobretodo, no romance, autor que foi do melhor –xunto con La Esmorga, de Eduardo Blanco Amor- obra da nosa literatura, O Porco de pé e mais dun–ha singular novela en castellano, finalista do Premio Nadal, La puerta de paja.
Sen ponderación, Vicente Risco ( 1884-1963) foi non un dos melhores mais un dos senlheiros pensadores da Península Ibérica, é dicir, Espanha e Portugal, a carón do seu amigo Teixeira de Pascoaes, Unamuno e Ortega.
O seu pensamento é dun-ha coerencia absoluta, malia os deturpamentos ideolóxicos das guerras quentes e frías, do século XX, a desmentir as esperanzas risquianas de que a centuria poría fin ás supersticións empiristas do XIX.
A leitura das suas obras –non so as escolmas, os resumos, as divulgacións- descobre a faciana mais actual de Risco como precursor da resistencia á globalizazon, chamada no seu tempo cosmopolitismo.
A sua denuncia da desnaturalizazón, da destruzón do rustico, que non é o rural, mais a naturaza anterior e posterior á especie humana, aparece recorrentemente nos seus textos. Porén, de maneira directa e inequívoca, en Las tinieblas de Occidente, un ensaio sen rematar, escrito antes de Spengler, anque o mestre ourensano decidiu abandonalo porque “La decadencia de Occidente la hacía inútil”. Non o acreditamos así, sen prexuízo das coincidencias.
En Las tinieblas de Occidente o seu autor denuncia a civilizazón, “que viene de civitas (ciudad)” e a contrapón ao concepto de cultura. A Cidade Eterna, recorda, agacha nos seus alicerces o sangue de Remo a maos do seu irmao Rómulo. Risco afirma rotundamente que as megápoles levan o seu seo a súa antítese: os artistas, os vagabundos, mesmo os delincuentes, pois “ser diferente é ser existente”
Perguntábanme o outro día “os medios” que había pensar Risco do mundo meio século despois.
Repergunto: qué había pensar da movilizazón quen creou ao pecadento bispo Baldonio, en comunicazón co Demo a través do telefone? Quen sentía mais pracer no desexo que na sua realizazón? Quen vía a arte como manifestazón do espirito?
Aos homes de razón práctica afundindo á especie, erguida polos homes de espírito, nun-ha nova e pior barbarie?
Risco, entre outras cousas, foi un precursor do ambientalismo.
Léano xa.