Xosé Miguel Alonso Boó presenta na Coruña o libro Suso Vaamonde, voz do trebón
Perseguido pola censura, Suso Vaamonde acabou sendo procesado e condenado a se converter no primeiro exiliado da democracia tras ser condenado a 6 anos e un día de cárcere por un delicto de inxurias á patria.
O Centro Galega de Artes da Imaxe acolle este luns, as 20 horas, a presentación da publicación "Suso Vaamonde, voz do trebón", de Xosé Miguel Alonso Boó. A obra está editada por Galicia en el Mundo.
Suso Vaamonde naceu na aldea de Regodobargo, no municipio pontevedrés de Ponte Caldelas. Viviu a maior parte da súa vida vencellado a Vigo e Ourense.
Sendo adolescente Suso Vaamonde montou os seus primeiros grupos –un conxunto músico vocal de corte ye-yé chamado Los Copens– e un trío de claro marchamo galeguista chamado Marco Balorento.
Recital de Suso Vaamonde no Festival de Solidariedade cos Traballadores de Astano no ano 1985, en Ferrol (A Coruña). / YouTube
Suso Vaamonde foi o mais vello de sete irmáns nunha familia cun pai comunista que lía o xornal monárquico ABC e unha nai irredutible e de armas tomar.
Enrolouse no mítico e lendario colectivo Voces Ceibes, artífices da chamada Nova Canción Galega. Cantou por todas as aldeas de Galicia, en escolas, teleclubes ou camposantos.
Suso Vaamonde realizou un froitífero labor de investigación e recolleita da música tradicional galega. E ata fundou A Roda.
Suso Vaamonde. / Mundiario
Perseguido pola censura, Suso Vaamonde acabou sendo procesado e condenado a se converter no primeiro exiliado da democracia tras ser condenado a 6 anos e un día de cárcere por un delicto de inxurias á patria.
Desarraigado e sen a súa familia, Suso Vaamonde estableceuse en Venezuela e regresou tres anos despois logo de pactar o indulto a cambio de pasar mes e medio no cárcere. Volveu aos escenarios e aos estudos de gravación onde rexistrou as músicas non so de corais e bandas senón tamén de grupos emerxentes do chamado rock bravú.
E, sobre todo, Suso Vaamonde puido completar grande parte da súa magna obra: musicar e popularizar aos poetas galegos, entre os que ocupan lugar sobranceiro os lugueses Ese labor, por cuxo recoñecemento o autor lo libro "Suso Vaamonde, voz de trebón" está a promover que se lle dedique o Día das Letras Galegas, abrangueu a 76 poetas, desde Celso Emilio a Manuel María, pasando por Ferrín, Graña, Cunqueiro, Neira Vilas, Darío Xohan Cabana, Manuel María, ou Uxío Novoneyra, ademais de a todos os clásicos. Moitos dos vates citados xa recoñeceron públicamente que a música do cantor conseguiu que os seus versos fosen máis coñecidos do que nunca poideran conseguir polos seus propios medios.
A case 20 anos da súa desaparición, aparece a súa primeira biografia autorizada, na que se da conta do periplo vital de este grande da música e da poesía galegas.
Suso Vaamonde. / Mundiario
Xosé Miguel Alonso Boó (Donosti, 1955) –autor da publicación "Suso Vaamonde, voz do trebón"– é doutor en Comunicación, xornalista, escritor e músico.
É autor da novela “Abreviatura” (2006); do ensaio histórico “La Correspondencia Gallega e o desastre do 98” (2007); da tese de doutoramento “La mala prensa del eucalipto”, da que publicou unha versión amena e accesible en 2015, e das memorias “Manuel Rieiro: Cómo conquisté Brasil” (2015).
Veterano do periodismo, o polifacético Miguel Boó, como é coñecido, foi quen de fundar en 1984 unha banda de pop press chamada Esguince de Frenillo, na que exerceu de cantante moitos anos; de gañar premios teatrais como director e actor de teatro; ou de recibir a medalla Pedro Ernesto, de Río de Janeiro, sen deixar nunca de exercer a súa profesión de informador.
Miguel Boó foi redactor e colaborador de medios de comunicación como El Pueblo Gallego, El Pensamiento Navarro, La Repubique des Pyrenées, Nuestro Tiempo, La Voz de Galicia, El Periódico de Cataluña, Europa Press, Cambio 16, Gente, Interviú, Servimedia, Territorios e tamén MUNDIARIO... Ademais de fundar con outros profesionais o desaparecido Diario de Galicia, chegou a dirixir o Diario 16 de Galicia. @mundiario