Nova xeración de estrategas da innovación e do desenvolvemento na USC
Xavier Vence integra investigadores con perspectiva interdisciplinar en economía aplicada e mantén estreitas relacións de colaboración con investigadores doutras áreas de coñecemento e outras universidades europeas e latinoamericanas.
Da USC sale unha nova xeración de estrategas da innovación e do desenvolvemento, froito do master que dirixe Xavier Vence, catedrático de Economía Aplicada. Vence está tamén ao fronte do ICEDE, un Grupo de Investigación de Referencia Competitiva, creado nos 90, especializado en economía da innovación, políticas estratéxicas de innovación, sistemas rexionais de innovación, desenvolvemento rexional e local, desigualdades territoriais, crise económica, globalización e economía de Galicia.
Co R2π o ICEDE busca a forma de pasar do concepto xeral de economía circular (EC) ao de modelo de negocio da economía circular (CEBM, polas súas siglas en inglés).
Unha nova xeración de estrategas da innovación e do desenvolvemento do @Master_DEIN Parabéns e grazas por tantos meses de esforzo, criatividade e ilusión partillada. pic.twitter.com/rSV6bEdym3
— Xavier Vence (@xaviervence) 6 de julio de 2018
"Desde 2012 participamos en proxectos europeos VII Programa Cadro e Horizon 2020 sobre Economía Circular, Sustentabilidade e Servitization", salienta Xavier Vence, que integra investigadores con perspectiva interdisciplinar en economía aplicada e mantén estreitas relacións de colaboración con investigadores doutras áreas de coñecemento e outras universidades europeas e latinoamericanas. "Combinamos a investigación académica e as actividade de asesoramento a diferentes tipos de institucións galegas e europeas", explica.
O grupo ICEDE participa activamente nas actividades do Master DEIN (Desenvolvemento Económico e Innovación). @mundiario