Anxo Quintana: "Non vale só con que os nacionalistas o teñamos claro, temos que convencer á maioría"

Anxo Quintana y Emilio Pérez Touriño. / Mundiario
Anxo Quintana, xunto a Emilio Pérez Touriño no bipartito. / Mundiario
Entende a política como un exercicio de consenso que vaia máis alá dos convencidos e defende un proxecto nacionalista útil para Galicia e as súas xentes.
Anxo Quintana: "Non vale só con que os nacionalistas o teñamos claro, temos que convencer á maioría"

"Non vale só con que os nacionalistas o teñamos claro, temos que convencer á maioría", di Anxo Quintana nunha entrevista concedida a Nós Televisión, a canle impulsada por Diego Frey, que emite en toda Galicia a través do dial 119 da operadora R.

Anxo Quintana é unha figura clave na historia recente do nacionalismo. Militante do BNG desde a súa fundación foi alcalde de Allariz (Ourense), a súa vila natal, durante algo máis dunha década. Aquela xestión á fronte do concello converteuno nun referente do municipalismo nacionalista.

En 2003 sucede a Xosé Manuel Beiras converténdose en portavoz nacional do BNG. Foi o primeiro nacionalista en ocupar un escano no Senado desde a Transición e tamén o primeiro vicepresidente nacionalista da Xunta de Galicia. Este último cargo exerceuno durante catro anos, os mesmos que durou o goberno de coalición co PSdG - PSOE.

Após a vitoria electoral do Partido Popular en 2009, Anxo Quintana abandona a dirección do BNG. 

Anxo Quintana. / YouTube

Anxo Quintana entende a política como un exercicio de consenso que vaia máis alá dos convencidos e defende un proxecto nacionalista útil para o país e as súas xentes. Nós Televisión falou con el no Hotel Palacio del Carmen en Compostela. Foi unha conversa pausada, centrada nos seus anos de responsabilidade institucional, nas súas ideas sobre as necesidades do país e nas súas reflexións sobre o presente e futuro do nacionalismo galego. @mundiario

Comentarios