Ana Pontón reprocha a Feijóo que non concrete os proxectos de Next Generation en Galicia

Ana Pontón, na TVG, entrevistada por Fancisco López Iglesias. / Mundiario
Ana Pontón, na TVG, entrevistada por Fancisco López Iglesias. / Mundiario
A voceira nacional do BNG insta aos galegos a participar na manifestación do 25 de xullo por unha Galicia sen límites nin ataduras.
Ana Pontón reprocha a Feijóo que non concrete os proxectos de Next Generation en Galicia

Ana Pontón, voceira nacional do BNG, foi entrevistada esta mañá no informativo Bos Días da Televisión de Galicia, onde fixo un balance sobre a actualidade galega. A voceira do BNG amosou a súa preocupación ante a falta de información por parte do Goberno galego sobre o uso dos fondos europeos Next Generation e deixou claro que o deseño centralizado destes fondos “vai contra os intereses de Galicia”.

A cuestión da enerxía e dos seus custos é un dos grandes eixos de acción do BNG nas últimas semanas. A política galega sinalou a pouca implicación do presidenta da Xunta, Alberto Núñez Feijóo, e fixo fincapé no modelo proposto polo BNG no que, dixo, “a enerxía ten que ser un ben público” e ademais “como zona produtora temos dereito a unha tarifa máis baixa”. 

Seguir chantaxeando ás institucións non é o futuro e a fábrica ten posibilidades de facer o traslado se quere, di Ana Pontón sobre Ence

Sobre a sentenza da Audiencia Nacional que anula a prórroga da concesión á fábrica de Ence en Pontevedra, Ana Pontón  asegurou que “quen pon en risco o emprego é a propia dirección da empresa e o Partido Popular”. Nas súas palabras, “seguir chantaxeando ás institucións non é o futuro” e a fábrica “ten posibilidades de facer o traslado se quere”.

O final da entrevista co xornalista Fancisco López IglesiasAna Pontón retomou a preocupación ante a xestión da pandemia: “estamos nun momento no que a saída da crise é unha cuestión central e Galicia ten que ter a súa propia axenda”. En definitiva, Pontón salientou o gran reto que supón a xestión da crise causada pola pandemia da covid-19: “estamos ante a peor crise sanitaria e económica dos últimos tempos e temos que acertar porque está en xogo o futuro”.

Ademais, a voceira nacional do BNG salientou a necesidade dun “autogoberno real para afrontar os retos do futuro” e instou aos galegos a participar na manifestación do 25 de xullo por unha Galicia sen límites nin ataduras. @mundiario

Ana Pontón. / RTVE

Ana Pontón. / RTVE

Quén é Ana Pontón

Ana Belén Pontón Mondelo é a voceira nacional do Bloque Nacionalista Galego (BNG). En febreiro de 2016 trala XV Asemblea Nacional da formación na Coruña converteuse, con 38 anos, na primeira muller en liderar o partido.

Licenciada en Ciencias Políticas e da Administración pola Universidade de Santiago de Compostela, Ana Pontón é membro do Consello e da Executiva nacional do BNG. É portavoz do Grupo Parlamentario desde febreiro de 2012 . Como deputada na IX lexislatura foi responsable das áreas de cultura, lingua, ordenación do territorio e medio ambiente.

Ana Pontón tamén foi candidata á Presidencia da Xunta nas eleccións do 12 de xullo de 2020. @mundiario

Ana Pontón reprocha a Feijóo que non concrete os proxectos de Next Generation en Galicia
Comentarios